Rarangken ting-pating

Rarangkén ting- atawa pating- mangrupakeun salah sahiji rarangkén hareup (en:afix) pikeun ngawangun kecap-kecap rundayan dina Basa Sunda. Sacara umum rarangkén ting- ngawangun wanda kecap pagawéan aktif jeung kecap sipat.

Rarangkén ting- teu ngalaman parobahan sora (en:alomorf) kawas rarangkén N- atawa -na.

Rarangkén ting-: warna jeung harti kecap nu diwangunna
Warna kecap	Harti	Conto
pagawéan aktif	"(loba nu) ngalakukeun ..."	[pa]tinggerendeng, [pa]tinggorowok, [pa]tingcikikik, [pa]tingcéréwét
sipat	"loba jeung tutuluyan atawa bareng dina kaayaan ..."	[pa]tingkaretip, [pa]tingsérédét, [pa]tingburinyay